خلنا صداقه - محمد المناعي

تدري وش اللي يقسم القلب نصفين ؟
لمّا الحبيب ايقول خلنا صداقه !

اتهون به عشره من اسنين وابنين
والقلب ، كيف القلب يعلن طلاقه ؟!

ويبيع من بدّاه بين الملايين
وببرود قال إنها مجرّد علاقه !

روح و توكّل واترك الجيم والسين !!
عفت الغلا ما دامه الضجر فاقه

القلب بيت وكان يحوي به اثنين
والحين نصفه سار رحلة فراقه

والعين صارت عقب فرقاه بحرين
ميت وأسود مثل جيره ورفاقه !

والليل جلادٍ يعذب بمسكين
بالشوق يجلدني وما فيني طاقه !

من يومها وآنا عويقٍ إلى الحين
والطب ما فسّر سبب هالإعاقه !!

اسأل مجرب اشبلى قلب نصفين ؟
بيقول : حبٍٍّّ ذيّلتْه الصداقه

© 2024 - موقع الشعر