ارفق على خلك

يا سامع(ن) صوتي وجالك كلامي
ارفق على خلك ورد السلامي

اعجل ترى خلك شفوق(ن) وضامي
اعجل ورد الصوت كلي يناديك

مالي غنى عنك ومالي بديلك
وما في شبيه(ن) لك وما في مثيلك

وعند الغلا والشوق كلي حصيلك
ياجعل ربي دايم(ن) لي يخليك

بالزين ما تشبه ولا اي مخلوق
مالك شبيه(ن) بالحلايا ولا الذوق

ونطقك لحاله غير عن كل منطوق
لا تلومني لا قلت والله اني اغليك

من قال لك عناد ما عاد يبغاك
ومن قال لك عناد ما عاد يهواك

ومن قال لك عناد ما هو يتمناك
يكذب عليك وبكل كلي انا ابغيك