عقدين مرت .. صدى

حيَه جوابٍ لفا من زاهي الخدي
يا مرحبا فيه واهلينٍ و ترحابه

قافٍ وصلني وله جهزتنا ردَي
هيَض فؤادي حسينٍ أرسل اجوابه

النادره تشتكي من وضع متردي
تشكي زمانٍ عليها فاتحٍ بابه

أبواب همٍ تضيم الحال وتضدَي
تتعب فؤادٍ و زهر العمر تقفابه

وتشكي وفاء في زمنا صار ينعدَي
ولاخير في قلبٍ ينسى عشرة أصحابه

ياعزوة اللي عليه الخصم متعدَي
تشفي غليل الكبد لطمات مخلابه

خلَي هموم الزمن لابد بتعدَي
يفرج همومك وليٍ نزَل كتابه

يفديك حالي ومالي وكل ما عندَي
ولا أعيش يومٍ دموعك فيه سكَابه

وهذي تحيه وسلامٍ جاك في ردي
يااغلى القرايب لقلبي وأصدق أحبابه