عقدين

يابنت انا لي في الهوى قرب عقدين
من اللي تخدعه ضحكة الناب

ولاني من اللي هاويا للخفيفين
مر(ن) مع الطاقه ومر(ن) على الباب

أدري ولاني جاهل بالمزايين
والخطوة أللي بالقدم ...تحسب... أحساب

احب من هم بالمحبه رزينين
واسرارهم ماجات واشي وكذاب

خبير بطبوع الهوى والمحبين
يقطعك يازول (ن) مع اصحاب واغراب

وانا حبيبي وافياً من وفيين
الله يخلي صاحب مابعد عاب

خل (ن) تَنقل من الشرايين للعين
مر(ن) على قلبي ومر(ن) بالهداب

والله لو شاهدث مثله ملايين
ماله وصيف اللي لجى بين لنجاب

يحرم علي وإن شفت مثله شبيهين
إنهم بقلبي جملة مالها اعراب

الحب يقطف مثل قطف الرياحيين
فيه المعاني قيَمه بين لحباب

لبيه.. يالبيه.. وإن قلت ياحسين
فزيت لك حشمه.. وشيمه.. وتَرحاب

فزيت لك ياكامل الذوق والزين
لبيه ياطعم الوفاء عذب لنياب

وياهيه يلي شفتها قبل يومين
روحي ترى قلبي عن البيض قد تاب

القلب ماظنيت هاوي لثنتين
الحب لول...غيرهم... فاله اتراب

ويابنت انا لي في الهوى قرب عقدين
ماني من اللي تخدعه ضحكة الناب