حسبي على حكم الدهر والتصاريف... - فهد بن دعيرم

حسبي على حكم الدهر والتصاريف
وحسبي على الأيام طول غثاها

البارحه تشدي الرجال والعواريف
واليوم ماضني وأحدهم معاها

تبدي على الطيب بسو التكاليف
وتبدي على الخايب جزايل عطاها

أدريبها تصفي معانا صواديف
لأكن ماندري وشلي وراها

ندرج مع الأسباب حيله وتعريف
وأنا الذي لاخمها ماخطاها

الرزق بنحور الليال المصاليف
واللي رجينا ماحصل من قساها

دنيا علينا شرها والكواسيف
تظهر لنا من عقب يجلا خفاها

الرأس شاب وشيبته العواصيف
في كل ليله ماسلمنا عناها

نأخذ ونعطي والرخاوالشواخيف
ضعنا وضيعنا العجاج بصفاها

© 2024 - موقع الشعر