خذها نصيحه

عاشرت في دنيتي شجعان وابطال
ورجال لامنك نخيت اعتزاها

ابن الاصول الشهم في كل الاحوال
مرباه ع الطيب والعزة تخيرها

لكنهم قلة(ن) في جنوب وشمال
في شرق او غرب نادر ما تجدها

نادر نجد من يحقق كل الامال
لكنها حكمة الله في زمنها

وبعض البشر يا خوان محسوب رجال
بس الرجوله وين هي ما حلمها

ما يدري ان الرجوله قول وافعال
وان الرجال اقلال لاحد حسبها

وان جيت تحسبها مظاهر واشكال
لقيتهم كثر الحصى في سيلها

والردي يبقى ردي مهما الزمن طال
نفسه رديه ولا ينفع يجملها

ان كان في فعلته وان كان اقوال
نفسك تعافة ولا ترضى يدانيها

خذها نصيحه وبختم كل ما انقال
وافهم حروفي وحاول تجتنبها

كل النفوس الرديه قربها اذلال
ارفع بنفسك ولا ترضى تعاشرها

الله يجيبك لنا يا طولة البال
وارتاح من بعض النفوس ومرضها

وختام قولي عسى يجمل لنا الحال
من قبل ما النفس يحويها كفنها