مسكين ياقلب الغضي من ضيق باله والعذاب
تشكي هموم و همها في وقتها يشقابها
تذكر هموم الوقت واللي صار في لحظة عتاب
فزت معاليق الضماير يوم تذكر مابها
وقامت روابع خاطري متسلسله مثل السحاب
تسرد عن اللي شافت اعيوني ولا ترضابها
أحزانها وهمومها صفحات في وسط الكتاب
تقرى الهموم اللي بلاويها على كتٌابها
ذابت عيونه من دموعه والسبب جور الصعاب
قدام عيني ثم عجزت لا تحكم اعصابها
مالومها في حزنها من بعد طوٌل بالغياب
نوماسها في وقتنا القاسي واعز احبابها
غاب وتغيب عن نظرها والسبب ماله جواب
غربة زمان أتشوفها مابين أعز أقرابها
في عيدها وقت الفرح غاب الفرح من بعد غاب
وفي موقها لمع الحزن و أحزانها تزهابها
راحت وقفت والوعد من بيننا ماله حساب
تسحب خطاها والأمل في دربها يسعابها
تمشي على درب الأمل لو الامل دربه عذاب
أتبع خطاها جنب خطوتها دموع اهدابها
أشوف بحر الحزن قدامي وبحره كالسراب
يوم اتبع أخطاها أشوف الحزن حتى بابها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.