الا الهجر - إنكسارات النخيل

مديت كفي للوصل ماقصرته
لامانسيت الود لوكنت ناسيه
واللي مضى من عشرتك مانكرته
دام الوفا طبعي فلاني مخليه
في ذمتك تقوى الهجر لو طلبته
ولا أنت قصدك تختبرني بطاريه
إلا الهجر ياصاحبي ماقدرته
الهجر بحرٍ ماترسي موانيه
أرفق على قلبٍ بحبك أسرته
الموت اهون من فراقه لغاليه
ولاتنس عهدٍ لك بحبي قطعته
مد الوصل لصويحبك لاتعنيه
وأنسى كلامٍ من عذولي سمعته
والله ماغيرك من الناس أغليه
رمح الفراق اللي بقلبي طعنته
لو تلمسه بيديك طابت محانيه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر