ديرة الاحرار - إنكسارات النخيل

يا ديرة الأحرار يا راس مالي
اخذي عهد قدرك فلا يومٍ يهون
يا موطن الأجداد يا در غالي
ديرة وفا ورجالها ما يخونون
لا نادى المنادي( قطر) ما نبالي
لأجل ثراها نفتديها بالعيون
حنا هل العليا سنينٍ طوالي
يشهد لنا التاريخ عرفٍ وقانون
أمجادنا راياتها بالعلالي
عِدَ النشاما عيالنا منه يرَدون
لعزها يرقون روس الجبالي
وإن دَق ناقوس الخطر ما يبالون
ما يفسحون لمن تعدا مجالي
درعٍ لها وسناد مهما يسوون
حكامها كفوٍ من أول وتالي
أل ثاني اللي للمواجيب يسعون
ساسٍ كريمٍ من عمام وخوالي
لطامة العايل ذرا كل مغبون
بلادنا من فضل رب الجلالي
تملك مزايا تِعَجز اللي يعدون
ديره ودايم سعيها للمعالي
ورجالها دومٍ على العهد يبقون
تبقى قطر شمسٍ بليا زوالي
وظلٍ يظل اللي بثراها يعيشون
يا لله سألتك يا كريم السبالي
تحفظ قطر من شر ناسٍ يحسدون
وبعزتك ربي طلبتك يا والي
تحفظ حمدنا عداد خلقٍ يصلون
والختم صلوا عد نجمٍ يلالي
على النبي طه عدد ما تسجدون
© 2024 - موقع الشعر