قصيدة العروس

سر يا قلم واوصيك جزل القوافي
للديرة اللي طيبها من اهلها

منبع كرم ماهو كرم اى هافي
منبع رجال ٍ صيتهم هو فخرها

هذيك حايل مابه اي اختلافي
هذيك دار ٍ مجدها من عملها

يسعد سما حايل وذيك الفيافي
يسعد سهوله والذي هو سكنها

من أول ٍ يا حايل الحب خافي
واليوم بعلنها وأبعلن غزلها

لاجيت ابوصف حايل ٍ زان قافي
عروس من مثله وربي قبلها

فيها سكن حاتم هذاك السنافي
غرسه كرم واليوم نجني ثمرها

وفيها النفود اللي على القاع ظافي
وفيها جبال ٍ تبهج اللي نظرها

في جوها الشتوي ترى الجو دافي
وفي صيفها محلا نسايم سهلها

حتى هوى حايل هوى عذب صافي
مامر دخان المصانع شملها

وماها شخاليل الجبال النظافي
أجا و سلمى منهو اللي جهلها

عسى السحاب اللي على النوف نافي
يمطر على ريفانها مع فللها

الين ماتروى وتعيفه عيافي
ويصير نبته مختلط مع نفلها

واليوم ياحايل لي اوفي وابافي
داري أنا حايل ولاابي بدلها

انا غريري لابتي دوم تافي
أخوة عدي كفو الصعيب وجملها