المحاصيل التعب - فيصل شويمان

اشتري وابيع واسوم في سوق الذهب
.................. رب أحصل من ذهيبٍ(ن) غدالي عيّنه
دوجت رجل العناء والمحاصيل التعب
.................. الخساره فيدها والمكاسب هيّنّه
عوي قلبي عوي ذيب(ن) مع الغبشة قنب
.................. لأوطينا يادغش مدهله ومكيّنه
ياعواذيل اسكتوا واتركوني ياعرب
.................. ب أتمشى دام قلبي عروقه ليّنه
لاعذلت القلب زادت همومه وألتهب
................. النصايح تمحقه والونين يزيّنه
الهوى رجم(ن) ليا صك جاله وألتعب
................. يجذب الجيران صوته وناره بيّنه
© 2024 - موقع الشعر