بعد عينج..

بعد عينج..
رجعت أتذكر اللي كان./.. ويا مكان..
تعب وهموم./..شقى وأحزان..
وبسرد كل شيٍ كان بعد عينج..
 
بعد عينج..
بياض الثلج./..غطى كل شواطينا..
طغى لونه على ذاك المكان..
اللي عشقناه وسكن فينا..
وخيوط الليل..
بدت ترسم ملامحها ف موانينا
كئيبة حيل بعد عينج شواطينا..
حزينة حيل بعد عينج ليالينا..
 
بعد عينج..
ملا قلبي حزن بارد.. وجمد كل مافيني..
بعد عينج..
ملا عيني ضيا شارد.. ورجعني لأول أيامي..
 
و وين انتي رحلتي عني ماهمج..
تركتيني لِ شقى سنيني..
و وين انتي مشيتي عني ما اظنج تردين وتسليني..
وسألتج يا نظر عيني متى قلبج يحس فيني..
متى قلبج يحس فيني..!!
 
 
أنا اذكر والله يا عمري
هذاك الكرسي الجامد..
كان دايم إذا غبنا.. يحاتينا..
كان دايم ينادينا..
و إذا جينا./..شكثر يفرح إذا جينا..
كان يصرخ خشب عمره ويحضنا ويدفينا..
 
واذا تذكرين..
هذاك الكرسي يا قلبي..
فرش صدره لنا مينا..
وكان يحفظ بكل إخلاص..
حزاوينا..
أغانينا..
أمانينا..
أيا المسكين..
انحنى ظهره..
تعب وهو يدارينا..
 
وتالينا./..وتالينا..
تركناه./..وتغربنا..
حرقنا./..تفرقنا..
و ذبحنا الحب بيدينا..
 
وصار الكرسي الجامد يشابه كل ليالينا..
يصور كل شي فينا..
جموده./..رعشة الأحزان..
بروده./..لوعة الحرمان..
وثلج أبيض متناثر على يدينه..