مانيب من يرضى لنفسه هضيمه - سعود بن مشعل

يازين عنّي في مراسيلك ابطيت
يالله عسى كل العواقب سليمه

اشّغلت فكري فيك لارحت لا جيت
وشّ السبايب والخطا والظليمه

ان كان عنّي يالغضي رحت واقفيت
معاد لك عندي مكانه وقيمه

معاد انا صاحبك من يوم صديت
لوّ الخساير عقب حبك وخيمه

إتصير عندي مثل شيٍ به اخطيت
واخلف أ/بقلبي هقوته والعزيمه

دمحّت غلطاتي وعنّك تغاضيت
وفي غيرك إتصير الهقاوي عظيمه

حتّى تعرف ان الجفا لا تجافيت
ما يربط إحبال الوصال القديمه

ما ينفعك مدام انا ما تعنيت
ولا زاد في قلبي عذابه وضيمه

وحتى تعرف انّي بطبعي تحليت
ولا اتبعك ما دام للنفس شيمه

ما اتبعك يالمقفي لاسندت وانحيت
ولا عنك ناشد لا عطيت الخريمه

(( يعني على فرقاك اغني ليا اقفيت
مانيب من يرضى لنفسه هضيمه !!

© 2024 - موقع الشعر