آخاف تلقى ساكن القلب ثاني

شفني بقايا حبر منثور بكتاب"
"في صفحه الأحزان كل(ن)قراني

سجلت لك موعد لقاء بين الأهداب"
"بروي عيوني يوم طيفك جفاني

شمس الهجر تشرق ونور الوصل غاب"
"وضيّّعت بالوجهه سهيل اليماني

نظرات عينك كنها الشمس تنساب"
"تصهر جليد الشعر داخل كياني

كن القصايد فيك قبلة ومحراب"
"اجذب من الخفاق جذب السواني

القلب بيت وصارت ضلوعي اطناب"
"تربعي بالعرش وسط المحاني

تستوطن الاشواق بعيون الأغراب"
"وسافر بذاتي وانا في مكاني

ترحل ويبقى طيف ذكراك مرتاب"
"وتضيق في سطح المدينه مباني

اغتيلت البسمة على راس مرقاب"
"وعلقت للفرحة مع الحزن عاني

بذرت حرفي من طواريك بكتاب"
"لين آزهرت كل القصايد عشاني

لكن شموخي ماتعثر بالأعجاب"
"باقي على خبرك ولو قلت اناني

باب الغلا مقفول لاتفتح الباب"
"آخاف تلقى ساكن القلب ثاني