مهبط الوحي والقران

بدينا وقبل البدء باسم الله الرحمان
باسم ربي المعبود بالذكر اسميها

عليكم سلام الله تحيه من الايمان
تحيه من المسلم لزومن يبديها

بلادي حفظها الله من الشر و العدوان
عسى الله يديم الامن ويعز واليها

بلادي وفيها مهبط الوحي والقران
ومسجد نبيه والحرم قبلةٍ فيها

تميز بفضل الله على ساير البلدان
عسى الله يرحم من على الشرع بانيها

زعيماً بحد السيف ثبت لها السيسان
بذل كل جهده لين وحد أراضيها

رضينا بحكمه واجتمعنا وصرنا أخوان
حكيمٍ وعدله كل الإطراف يرضيها

وفي مدح ابو تركي لو اكتب مية ديوان
ما تحصي فعايله القصايد وتوفيها

على صفحة التاريخ يشهد له الانسان
افعوله قليلٍ في البشر من يسويها

عهدها أعياله بعد ما وحد الاوطان
وحفظوا وصاة معزي اللي موصيها

وفي عهد ابو متعب نعيش برخاء وامان
حكيماً حليمٍ حاجة الشعب قاضيها

رفع مستوى التعليم والدخل والبنيان
ويسر على المسلم فريضته يديها

وحارب هل التضليل والكفر و الطغيان
عبادٍ عماها الشر وإبليس مغويها

وقف ضدهم بالحزم لين ان فعله بان
صدق يوم قال ان زمرة الشر بفنيها

ملكنا وله منا ولانا بلا خذلان
نجدد ولانا و القياده نهنيها

نهنيه في رجعتك يا معرب الجدان
سلامتك فرحه للجزيرة و أهاليها

على رجعتك ياسيدي شعبكم فرحان
مشاعره برجوعك لك اليوم يهديها

يحيك يا مشعل من القلب قبل السان
سمان القصايد قدم حضرتك يلقيها

رجعت وخطاك السوء من كل داءً كان
رجعت ورجع للجائزه من يواليها

ومثلك له التقديرالشكر والعرفان
تراث البلد تتعب عليها وتحييها

نهنيك في رجعة ولي العهد سلطان
كفيل اليتاما مدة الخير يصخيها

وزير الدفاع وقائد جنودنا الشجعان
جنوداً حموا حد الوطن من معاديها

ثنوا دونها من حوثين جالها طمعان
هبيلٍ يحسب الدار محدٍ بحاميها

لقى الموت من فرساننا في جبل دخان
رجالٍ تسوق الروح والأرض تفديها

غلا المملكه يمشي مع الدم فالشريان
تنادي وحنا نرخص الروح ونجيها

ولاهنت يا مشعل على نخبة الذيدان
ثمينة و أسم صقر الجزيرة مغليها

رفع قيمة الناقة وزادت بها الإثمان
وصارت غناه وزودت دخل راعيها

على البل تعيش الناس في ماضي الازمان
سفينة صحاري جرهد البيد تطويها

ومن لحمها واللبانها يشبع الجيعان
وفي وزرها طباً للأمراض يشفيها

عسى الله يغيث الارض وتربع الخدان
تربع عطايا الله وترجع مفاليها

بديت القصيدة باسم ربي عظيم الشان
وصلي على خير البشر قبل ما نهيها