انتهاء الدور - عمربن عجرف الشمري

رجعت بعد غياب طول سنيني
راجع تحسب القلب للحين ماسور

وش ذكرك قلي علامك تبيني
من بعد هجر سنين ترجع يامغرور

لأعاد ترجع طالبك ياضنيني
ماني على مثلك انا اليوم مجبور

لاتعتقد بنسى صوابن مكيني
لاني عرفت انك معي متقن الدور

قلبي بحبك صار والله سجيني
وصدقت يوم تقول وياك مسرور

عافتك نفسي يوم شفتك بعيني
ايدك بدينه تضحك وكلك سرور

شلي خطيته معك وش جاك شيني
ليه الخيانه وش جرا مني قصور

اهديتلك روحي وكل شي فيني
وأحييت بك قلبٍ من الحب مهجور

قدمت لك حبي براحة يديني
اعطيتك اخلاص الوفا وأصدق شعور

اضويتلك عمرك بشمعة سنيني
بنيتلك في خافقي اكبر قصور

هذا جزا قلبي بغدرك تجيني؟
أتجازي الأخلاص بالكذب والزور

روح ولاترجع ولا ترتجيني
لاتعتقدبنساء واباقول معذور

أبعد وخل اللهم يسكن سنيني
لأيشغلك ماضي تعدى مع شهور

الي جبرني العام شوقي وحنيني
واليوم بانت لعبتك و انتهاء الدور

© 2024 - موقع الشعر