ياصاحبي - علي بن سران اليامي

ياصاحبي مشكور لكن سؤالك
إجابته صعبه على قلب رجال

تبغاني أجاملك من طيب فالك
وأرسل عليك بخير ويسرك الحال

وأقول جعلك ذخر وافي مقالك
وأنت السند والذخر ياراس الأموال

مانيب مجامل بس لايضيق بالك
لوشفتني واقف علا روس الأطلال

صويب شف جرحي نخاك وشكا لك
ينزف وخليته بلا في وضلال

قفيت وأنا كنت راجي وصالك
وخليتني مابين شامت وعذال

ترسل أخوك اللي لاطحت شالك
لاجاك من وقتك تصاريف وأنكال

وأنا مابين إعداي ضامي وهالك
وأنت بمصر داله ومستانس البال

وأنا طريح سيوف عمك وخالك
وأنته تقلبها من جنيه لريال

ياصاحبي مشكور لكن سؤالك
إجابته صعبه على قلب رجال

© 2024 - موقع الشعر