الذكـــرى

الله على اللي ليا من قلت بنساها
وأشطب هواها بوسط القلب وأمحيها

يجدد الوقت قصتها وذكراها
ومن دون لاأشعر تجي في البال وأطريها

ياكيف أبسلا هواها وأتنساها
وكل الذي في حياتي مرتبط فيها

الليل والنجم والقمرا ومسراها
وساعات يومي ودقايقها وثوانيها

الليل لاأظلم على الدنياوغطاها
يطري لي اللي على الأمتان كاسيها

والنجم شوفه يذكرني برقباها
كم ليله أسامر النجم بحراويها

وإن شفت نور القمر يطري محياها
وجبين يشعا بروقن عز واليها

ودقايق الوقت والساعه ورجواها
أذكر بها ظلم وقتي يوم الاقيها

والله ماانسى ولاانسى يوم فرقاها
يوم ذرفت دمعها لعيون مغليها

عجزت لااسلى والي من قلت بسلاهاااا
جمرة غلاها هبوب النود يحيها

فرقى المواليف نار الشوق تصالها
والنار ماتحرق الا رجل واطيها

وسلامتكم