الخـــوه

الغيب علمه عند من يعلم الغيب
الواحد اللي النفس عنده وديعه
 
 
وياليت لي في الغيب علمن وتقريب
وادري بما يخفي القدر قبل اطيعه
 
 
عطتني الدنيا دروس وتجاريب
لوكان بعض دروسها لي وجيعه
 
 
عايشت واقعها بشتى الاساليب
وطوعت كايدها وسديت ر يعه
 
 
ووردت ضاميها لصافي المشاريب
وبطون شبعت عقب ماهي جو يعه
 
 
ولاني بنادم وان لحق راسي الشيب
الجود ورث جدود ولنا طبيعه
 
 
اسري على وضح النقا لي عوا الذيب
يومن ولد اللاش نفسه خنيعه
 
 
واختار في الرفقه واميز الاصاحيب
واعرف من الوافي وطيبه يذيعه
 
 
واخاوي اللي ينثني في المواجيب
واشريه لوكل الخلايق تبيعه
 
 
والخوه اللي تلحق الشك والر يب
ماني بها مكّلف ونفسي رفيعه
 
 
لاخير في خوة هل العيب والخيب
مثل المحاله دايرتها سريعه
 
 
تفتر مكرتها وتندار وتجيب
وكلن على صنعه يلاقي صنيعه
 
 
ولاانت ياللي يجري بدمك العيب
طبقت فيك اليوم حكم الشريعه
 
 
مديت لك يمنا وفا تفعل الطيب
ومديت لي يمنى المكر والخديعه
 
 
ولوقدوتك جساس عطب المضاريب
فلا تشل حملن مالمتن يستطيعه
 
 
جساس ماله نصر في طعنة كليب
لانها غدر والغدر فعله شنيعه
 
 
وطير الحدا ماصاد عكف المخاليب
ومالارنب تناطح جبالن منيعه
 
 
هذا جوابي ولاتسوق المناديب
وفجوج ربي يالهلامه وسيعه