((الخـــوه))

ما..أخاوي إلا كل.. قرم.. ووافي
حراً ..ينومسني.. ليا ..خاويته

من ..خلقته.. قلبه.. نظيف.. وصافي
دندون ..خوه.. يعتزي.. لاجيته

بالمرجله.. تشهد.. له ..العرافي
وفعله ..مع ..اهل... الطيب يرفع ..صيته

يصبر ..ولو.. أن ..السنين ..عجافي
اسمه ..كفو ..من ..طيبته ..سميته

يشوش.. راسه ...لا لفاه... الافي
ناره ترحب ...والشبب... في ..بيته

من ..راس عودٍ ..بالمراجل.. ضافي
وخاله.. طويل ..ذراع..من.. تربيته

لامن... وصلته.. ماعلي... خلافي
لو.. طال ...وقتي.. معه ..مامليته

راعي.. كرامه ..وحموّي.. وسنافي
ياقف ...عليه ..العلم ..لا ..بديته

يقضي.. اللزوم ..وفزعته ..بالخافي
لا ..ما يشهربي.. ولو ...نصيته

إن... قال.. كلمه.. مايخونك.. يافي
قول.. وفعل.. تسمع ..صدى.. تلبيته

راسه.. شجيع ..من.. السطر.. متعافي
تقدح.. عيونه.. عز.. لا ..نخيته

بعض ..العرب ..فزعاتهم ..ياكافي
يمّن ..في ..خدمته ..لو ..لاقيته

وان.. كان.. وقتي.. حدني.. للهافي
مابحت.. له.. سدي.. ولا..حاكيته

امشي ..على.. جمر ..الضروف.. وحافي
أخير ..من ..فزعة.. قلوبٍ.. ميته

في.. قمة ..العليا.. بدى ..مشرافي
ودربي.. لها.. بالطايله.. مشيته

واللي.. علومه.. ناقصه ..وخفافي
نذرٍ.. عليّ ..لا اموت ...ما..ماشيته

امشي.. بدربي ..واتركه ..فخلافي
ماني.. بلا يمه ..ولا.. عديته

اللي.. ليا ...مريت.. نوره... طافي
يحرم ...عليّ ..الشعر... لو... طريته

الطيّب... اللي ...وقفته ..تنشافي
يفخر.. قصيدي.. فيه.. لا...سويته

تطرب... له ..اشعاري ..ويطرب.. قافي
واعتب.. على.. نفسي.. ليا..خليته

هذي ...وصاة... الشيخ ..واسمه ..شافي
هو ..سيفي ...اللي.. للعدى ..سليته

الشامخ.. اللي... للجميل ..مشافي
يفز.. قلبي.. لامنّي... اوحيته

والطيب.. طايل ...والرجال.. اصنافي
والشعر ...صقرٍ.. بالفضا.. هديته

وان.. كان.. خاويت ...الخبيل ...الهافي
جنبني... الفنجال...لا...صبيته