بنات الجن

هجوس المعناّ حدته للسهر والشين
باحت بسده والعيون انثرت ماها
 
 
تراقص بنات الجن ليمن بدع بيتين
تطرب لمواله وطرّقه لي غناها
 
 
وان راح من ليله ثلث وبقا ثلثين
فمعانات وقته وحشت الليل تبداها
 
 
يراقب مجرات الكواكب سهير العين
جريح الفؤاد اللي ضروفه تحداها
 
 
يخيل الجدي وسهيل ليمن سرت في حين
ولا يبتقي الا نجمة الصبح يرعاها
 
 
يجر صوته حزن ودمعه على الخدين
ذياب الفيافي لي شكت جرت عواها
 
 
يجاوب مع ذيب الخلا في العوا مسكين
ويعطي ونين يتل روحه من اقصاها
 
 
فاانا عزتي للنفس مما جرا ياحسين
سبت زمان ساق نفسي وعناها
 
 
لولا قفص صدري سوات سور الصين
يمدي القلب طار وودع ضلوعي وخلاها
 
 
فلا ياوجودي وجد راكان ابن حثلين
في عرض البحر يومه ذكر "يام" وقراها
 
 
والاياوجودي وجد من ضيع دليله لين
حداه الضما ونفسه على الصبر يحداها
 
 
يخيل السراب وكنه يقبل على عدّين
وليا وصل خضب الموارد تعداها
 
 
والاياوجودي وجد مسجون قضا عامين
وباقي ثمان من الوزاره برقباها
 
 
ماله بها الدنيا سوا شايب واختين
لاواسطه والعفو ماهو من اعضاها
 
 
ولايابري حالي غشتني هموم البين
وبيّحت واحد بالميه وانت تقراها
 
 
هجوس المعناّ حدته للسهر ياحسين
عساك تفهم يالشلي ويش مغزاها