( عقب الفراااق )

الغايب اللي له من ايام وليال
غايب وقلبي جور همه يشيله

لاجا...سئلته من عنا القلب والبال
ياكيف عزم في وجودي...رحيله

وابسئله كنه مضى معيا الاهوال
كن العذاب اللي يجيني...يجيله

عقب الفراق...اللي تشتت به الحال
مايلملمه كود السنين الطويله

وان كان يبغى يختصرها على الحال
يرجع...يشوف اليوم كيف احتريله

احر من جمرٍ على ركزة دلال
واحر من قلبٍ بصدره مليله

واحر من مظلوم من خلف الاقفال
شاكي..بري..مفزوع..محدن يعيله

ادانته بشهود زورٍ ودجال
قاضي قضى حكمه وقيَد سبيله

حسبه على اللي مايخيَب للامال
الهي رب الكون له يرتجيله

هذا...وهذا الوضع والوضع مازال
معيه واخذت (ا)من المحبه حصيله

شفت الفراق...اشلون سوَا برجال
ذاق العنا والمر...واعزتيله

ذاق الهموم اللي من انواع واشكال
همٍ غثيث وهم محدن يشيله

من عقب هذا مابقى شي ينقال
عبَرت للي مابلاقي مثيله

وان كان عيا رجعته...بارثي الحال
ولاعاد ادور في زماني بديله