سلطان الخير

ياهاجسي أحسب حسابك بالألحان
نبغي بيوت(ن) تطرب اللي قراها

أبيات بالجزلات تزهى بالالوان
إنجوم تلمع مضويه في سماها

أبيات فكرتها عن الخير عنوان
للي فعوله مانلحّق مداها

سلطان يوم الطيب زود(ن) ونقصان
وحْده تعلى المكرمات ورقاها

اللي كفوفه ماتمد إلا الإحسان
كم مجزيه بالكف مد وعطاها

كم أغتنى رجال قد جاه فقران
وآصبح يجيب السلعه اللي بغاها

اللي غيابه للعرب ورثّ أحزان
وزود غيابه للنفوس ب غثاها

أحد(ن) طلب بالليل لاصار سهران
وأحد(ن) طلب والشمس حزة ضحاها

يالله طلبتك تشفي اليوم سلطان
يارب أنا أطلب دعوةٍ في رجاها

أنشهد إنه شيخ من روس فرسان
فرسان فاز اللي دخل في حِماها

عضيد منهو للمراجل كحيلان
اللي خدم بيتين ربه فداها

عبدالله اللي يشبه بحد شامان
دلهام قوم(ن) عز ديره نصاها

متوسط(ن) مابين نايف وسلمان
إرجال خاب اللي نوى في عداها

عيال شيخ(ن) عله بسبعة إجنان
إمعزي اللي رميته ماخطاها

وحد جميع الناس من دون حقران
على شريعه واضحه في نباها

سنة نبي الله وأدله ب قرآن
ماخاب من طبق بها وأغتناها

وأختامها سبحان خلاق الأكوان
اللي عرف سر النفوس وخفاها

الواحد اللي كل يوم(ن) وله شأن
بعد المرض خلقه تكرم شفاها

رجع علينا سيدي سيد الازمان
وعاد الفرح في عودته وبلقاها