ماعرف قلبك يحب وما عرف غير الكلام
ماعرف ايحب قلبي وما عرف معنى الحنين
كل مافي الأمر إنه يلعب بإسم الغرام
ينسى من حبه ويترك دمعته في كل عين
ما سألت عيوني اللي طول ليلي ما تنام
ما سألت القلب عني حالي زينٍ ولا شين
ياخي ارحم قلبي اللي مل من كثر السهام
اللي تطعني وتترك قلبي في يدك سجين
صدق قلبك رقم واحد عند تمثيل الغرام
لا حشى حسين فهمي ما وصلك إنت وين
أنا حبيتك بكيفي وابتدى حبي بسلام
وأقدر أنهي هالمحبة لو هي كانت من سنين
بعتبر حبك حكايه شافها قلبي بمنام
يعني عادي ايه ابنسى ليلي وقلبي الحزين
بس أبيك تقول عني ضعت في وسط الزحام
واروي للدنيا حكاية بنت تقوى كل حين
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.