طبعك تغير واصبح الود لي صد
كني بهالدنيا معك ماني موجود

يامجمل امسي يوم ضحكك بلا حد
يوم العطا منك بلاحسب وحدود

تغير امسي وانجلت غيمه الود
موجود لكن ماني بخير موجود

وباب الفرح ياصاحبي منك ينرد
والوقت كفى يوم حظي غدا عود

نقشت اسمك واندمت راحت اليد
وطبعتها بقلبي وانا بقلبي لك زود

لكن زمانك جاني بصفعة الخد
وكيف الاماني بيضها ينقلب سود ؟ !!

وقف زماني يازمان (ن) غدا ند
اللي عطيته بادل الود بجحود !!

ماني مجازي راعي الصد بالصد
الا اذا وصلت معه درب مسدود


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر