لو اعتزي بمطير

لـ ، ، في عاصفة الحزم، آخر تحديث :

حبه على جوفي تسيطر ودمّر
ماعاد انا مع العرب ياحلالاه
مااشوف غيره لو صوّت وزمّر
وكل شي احبه فيه حتى خطاياه
حبه مثل غصن الغضى لاتجمّر
ينفعني حتى لو شعرت بكواياه
حبه مثل عذق العنب لاتخمّر
ادمن عليه القلب خدر خلاياه
حبه مثل ذودن هجيج ن مضمّر
ارثع على قلبي سفايف مطاياه
حبه سوات اطويق ثابت امسمّر
مرقاب حبه خالد ن في عراياه
حبه جرحني داخل القلب غمّر
رمحه سرا بالقلب داخل خفاياه
لو اعتزي بمطير و وايل وشمر
محد ن يفكه من جريمه سواياه
ليته يفك حصار حبه ويعمّر
ويفزع لقلب ن مايلا قي حلاياه
هو غايته قبل المشاعر اتسمّر
و هو منيته لا جات تلفي مناياه
مضاوي ..

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين