معاناة معلم

ودّي أتقاعد مبّكر وانسحب
واترك التعليم وانعم بالحياه

ودّي استنشق هوى الكون العذب
ودّي ابعد عن شقى الدرس وغثاه

شبت من هم المناهج والكتب
وآعنى قلب المعلّم وآعناه

ما أبي تقدير من شان الرتب
ولا أبي مكلوف يكشف لي خفاه

واحدٍ من صفعة الدنيا شحب
حظّه المبلوس خيّب له رجاه

حظّه أعند من عناد أبو لهب
حظّه أقسى من صفى بقعاء وحصاه

في عيون اللي يقدّرهم رسب
اخلفو ظنّه ولا حقق مناه

قرد عينك يالمعلم لو تطب
تعتبر بعيونهم ظمن الجناه

المعلم مثل شمعه في مهب
كل شيء ضدّه ولا أحدٍ معاه

المعلم ماجنى غير التعب
مثل ذيبٍ أشهب اللال اقتفاه

( ولعنبو وقتٍ غدينابه حطب )
قالها الراحل وأنا قلته وراه

تكفى يالعاصم يافكّاك النشب
المعلّم ماتعدّل مستواه