عزاه يا وقت(ن) معى الزين نقضيه .. - فالح العجمي

عزاه يا وقت(ن) معا الزين نقضيه
نسهر نسولف ما نحسب الثواني

يفديه قلبي والمخاليق تفديه
واسمه ترا منقوش بين المحاني

دايم على بالي ولا أقدر اخليه
لأنه خذا قلبي وقلبه عطاني

أن قال أحبك قلت يا ناس لبيه
لبيه يالي ما يبدل بثاني

نزل جميع الناس في عين مغليه
ووحده رقا بالعين يومه هواني

هذا الوحيد الي من الناس اغليه
حبه من الله والله الي بلاني

يبقى وسط عيني وجفني يغطيه
ويبقى الوحيد الي ينور زماني

وان طالت الايام ماني بناسيه
يبقى وسط قلبي ولو هو نساني

© 2024 - موقع الشعر