لاجيت أبرقد هيضتني طواريك ..

لاجيت أبرقد هيضتني طواريك
وتسج بي ذكراي صوب البدايه

وأقوم من نومي وألبي واناديك
وقول أرحب يا طبيبي ودواية

وأقعد أفكر يا ترا وين اللاقيك
صوتك سرا عني وطيفك معايه

لاجيت أبجلس وأتذكر لياليك
أتغصني العبرات وأصير تايه

أيام حلوه وزينتها حكاويك
وأما الرد مالي معه أي غايه

من يوم غبتي والتعب هد مغليك
مليت من صبري وتزايد عنايه

رحتي بدون أسباب وعجله خطاويك
وأصبحت وحدي ساري(ن) في شقايه

بقول روحي وماني اليوم ناسيك
لك في صميم القلب قدر وعنايه

وأن كان عوتي عسى الله يحيك
ويرد قلب(ن) مات قبل الوصايه