طواريك

ان جيت ابا انسى ذكرتني طواريك
دايم ملامح صورتك في خيالي

ذاك الوداع فيه ونيت انا ديك
بذيك الخدود اللي بها الدمع سالي

مفتونه إيدي من إلمستها أيايديك
والعين تبكي وجدها لليالي

إن كنت غالي فعطني الوصل أعطيك
ماأقدر على بعدك وحبك طرالي

مشتاق لك ياللي حياتي تناديك
ياأغلى وطن مسكنك في وسط بالي

تعال يالله ياعسى الرب يحميك
هات الفرح يافرحتي يا منالي

من كثر حبك أفتخر بك وأحييك
ياجعل يومي قبل يومك ياغالي

الناس تسأل يالغلا إش كثر أغليك
وأقول وصفه لو ضكرته محالي