آه يابخوت

لـ ، ، في غير مُحدد

ضاقت الدنيا الوسيعه في عيوني
وأصبحت عندي مثل مثقال ذره
ياصباح الدمع الأسود يا عيوني
بالقدر أمنت في خيره وشره
أشهد أن ها..صدق ماخابت ظنوني
شفت في وقت الضحى كل المجره
واعدوني واعدوني واعدوني
جعل ما يبقى لهم ف الأرض جره
جعل قوم جاو من دونه ودوني
ماتشوف عيونهم لحظة مسره
هيضوني لعنبوهم هيضوني
بالقصيد اللي غدا فالكبد حره
كل ماواعدت ربع خالفوني
مابقى فالخرج من حلفي مبره
وين ماوجهت يامكثر طعوني
كنها جيش تمركز في مقره
آه يا{بخوت}صوبه ماخذوني
وين يام ووين قحطانن ومره
وين فزعة ربعي اللي مانسوني
وينها بقولها الفين مره
ضاقت فياض الوسيعه وابهتوني
وأصبحت عندي مثل مثقال ذره
ياصباح الدمع الأسود ياعيوني
بالقدر آمنت في خيره وشره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر