حديث الذكريات

في حديث الذكريات ..
ليه الأشياء الحزينه ..
تصحى ويانا وتبات ..؟؟!
 
ليه الأشياء القديمه ..
موجعه حيل وأليمه ..
ورغم هذا .. تبقى دايم ..
داخل القلب .. ومقيمه ..!
 
 
في حديث الذكريات ..
لمّا نسترجع زمنّا ..
اللي عدى . واللي فات ..
أول .. اول شيء يذكر ..
الجروح ..
اللي تبقى ماتروح ..
الخيانه ..
والغياب ..
والرحيل بلا إياب ..
الفراق ..
وطول ليله ..
لمّا يذبحك العذاب ..!!
 
في حديث الذكريات ..
أقسى .. أقسى شيء دايم ..
الحزن ..
ل .. سكن داخل ضلوعك ..
ول .. بنى بقلبك مدينه ..
ولأنطفت آخر شموعك ..
من عبايرك الحزينه ..
 
 
في حديث الذكريات ..
نكتشف بعد الفوات ..
إن مابه شيء اعذب ..
من مواصيل الحبايب ..
اللي كانوا في يوم اقرب ..
حيل من كل القرايب ..
اللي كانوا في يوم اصدق ..
من هماليل السحايب ..
 
يا الهي ..
لمّا نسرح ..
يا ترى وش صار فيهم ..
وين وداهم زمنهم ..
اللي كنّا في يوم منهم ..؟؟
بعد هالفرقى ياربي ..
ضاقت الدنيا عليهم ..؟؟
وعلى ذكرانا بعدهم ..
ولا نسيونا وراحت ..
احلى واغلى الأمنيات ..
في زمنّا اللي فقدنا ..
اللي عدى ..
واللي فات ..
في حديث الذكريات ..