اكبر قهر

لـ عناد البقمي، ، في غير مُحدد

اكبر قهر - عناد البقمي

اكبر قهر شفته وانا اخوك يا سعود
شفته وانا في عام الالفين واثنين

اكبر قهر شفته وانا اخوك يا سعود
فقدان من تغليه وتذوق الامرين

واكبر قهر ذقته وانا اخوك يا سعود
موتت حبيب الروح سيد المزايين

واكبر قهر ذقته وانا اخوك يا سعود
من قبل موتتها وانا فاقد اثنين

فاقد اخوي وامي يا سعود يا سعود
فاقدهم تقريبا وانا لي اربع سنين

البارحه ما كني على الارض موجود
بأسباب منهو مات من قبل ساعتين

سهران وابكيها وخلق الله رقود
صدمه وصرت منها سوات المجانين

اصيح من همي وهمي في داخلي يزود
وتضيق بي الانفاس بضيق الشرايين

ماني مصدق جسمها صار ل الدوود
وهي كانت بحضني من قبل يومين

ومنزالها اصبح وانا اخوك في العود
مدفونتاً من بعد شالوها المصلين

يا ليتني في قبرها اليوم موجود
واضمها واقول قومي معي الحين

قومي انا محتاجك في ايامي السود
ما ابي نتفارق من بعد ما كنا محبين

لكن هذا قدرها ويومها يوم موعود
وعسى الله يرحمها معي قولوا اميين

© 2024 - موقع الشعر