قهر الرجاجيل

طفل المساء من جرح الليل والنور
من ولع جروحي وشب القناديل

تذكرت هرجك وأنت والبحر والسور
وهيل الغلا والشوق طيب المواصيل

وجيتك وأنا أبكي داخلي قلب مكسور
من حزني أستوحش نهار المقابيل

خلف السراب أمسي وأنا كلي حضور
بي عن تعب ساقي وقهر الرجاجيل

علقت في صدري معك قلب عصفور
جهول ما يعرف جنون المحاصيل

وهزمتني والقلب يا سيدي بور
ما عاد من بعدك دروبي تساهيل

وهزيمتي فيك أحرقت مني شعور
حتى مع ذكراك عشت التفاصيل

وعلى أمل القاك بالحيل مجبور
من قلبي اللي ذاق منك التهاويل

ليت الأمل لو طال يبني لي جسور
ودي على لاماك ورد المناهيل