يكفي غلاك - محمد حمد اليامي

يكفي غلاك اللي سكن داخل الروح
وارسى قواعد حبه وقال هاوي

اقفيت من بعده وانا اقول مملوح
وش فيك قلي ماسمعت النداوي

وصوتك يهامس مسمعي دون مابوح
ويقول حبك داخل القلب راوي

جيتك وانا محمد على الدوم منصوح
من حب مدري به على وين ناوي

المشكله صدري له اليوم مشروح
وفيه الوفاء دربٍ كثير الهقاوي

صديت عنه وخالفك هم وجروح
حسبي عليك اثرك مسوي البلاوي

وغرزت حبك بين منهي ومسموح
وتركت جرحٍ عجز فيه المداوي

ياتي على ذكراك وان رحت بيروح
وادري به بيبطي ولاني بقاوي

ماتسمع بصدري شكى فراقك النوح
ولاتنظر العيني بها الشوق ياوي

ولاتحس في قلبٍ له اعوامٍ ايلوح
مثل العقاب اللي حياته شقاوي

ماشي زمانه بين طارح ومطروح
واخطى الطريق ولا يحسب انه غاوي

وسكن مكانٍ من قبل غير مبروح
وهو يدري ان الشوق فالصدر ضاوي

وهذا القلم والحبر والشعر واللوح
تكتب شعور اللي به الهم طاوي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر