بتجرّب تانى تموت

لـ عبداللطيف مبارك، ، في غير مُحدد، آخر تحديث

بتجرّب تانى تموت - عبداللطيف مبارك

بتجرب تانى تموت
 
مع إنك
 
مُت ف ألف قصيده
 
وف كل قصيده ……
 
بتنزف روحك منك
 
بتجرب تانى تموت
 
وتخط قصيده جديده
 
حروفها ….. بدمعى
 
وحزنى لبُعدك
 
بتلملم فيها الفرح/ الضحك إللى إنت زرعته
 
ف قلوب عاشقينك
 
وتلملم حتى الكلمه/ البسمه/ النسمه
 
الرسمه إللى إنت محدد فيها
 
إزاى …
 
هندينك
 
هل كنت مرتب لينا مفاجأه جديده
 
يوم شبعت روحك ..
 
من كُل الزيف إللى محاوطك
 
ف خطاوى بليده …؟
 
هل كان الألم البكر الصامت
 
جوّه جناين عشقك
 
بالأرض المسكونه بدم حبايبك
 
آخر .. تنهيده
 
……..؟
 
بتجرب تانى تموت
 
مع إنك
 
مُت ف ألف قصيده
© 2022 - موقع الشعر