تعريشه فوق ضهر الغيطان

لـ عبداللطيف مبارك، ، في الوطنيات، آخر تحديث

تعريشه فوق ضهر الغيطان - عبداللطيف مبارك

إتحركى ف دمى
 
لحظة مخاض الإبتدا
 
قلبى إللى راجع من غيطان الموت.. حاديكى
 
إتصورى ف الحلم كيف البحر……..
 
ف كتاب الوسع
 
إتهندمى بين شفتى لمّا أنطقك
 
تسبيحه من ضىّ الهوى
 
ف شهادة التوحيد….
 
و إتحنى كالعاده
 
 
بالدم إللى سايل
 
ع البيوت… وعلى الحيطان
 
كتّرى نوحك
 
ع إللى مات…. وإللى
 
يدوب هيموت
 
إلبسى توب الهوان….
 
وإتحزمى
 
فوق عتمة الألوان
 
متدلدله حبال السما
 
بتكتف الأبدان
 
وتجنى فينا الموت
 
يا موت……
 
يا أصفر كما التعريشه فوق ضهر الغيطان
 
فٌتناك
 
تقسم ف الغلابه
 
وتنده الغلمان
 
يا موت……..
 
يا سارق طرحة الأرض البتول
 
و ف (غزه) عم تنزع فتيل…. / بركان
© 2023 - موقع الشعر