ليتني مراهق - ناصر الرياحي

الله يذكر زمان اول , وانا : مراهق
سالي مع الناس : واكثرها مصادقها

يمر يومي : ولاني منه ابد زاهق
اكبر امالي بنفس اليوم احققها !!

واليوم : وجه الزمن عنه الحيا فاهق
والناس : جاها بلا والشر عانقها !!

تعبت : من هالزمان ولونه الباهق
ونفسي : على بذلة المعروف : مرهقها

ياقلبي : اللي مع الاصحاب : متواهق
جنّب عن الناس صالحها وبايقها

سحابة الصيف : لو ان برقها لاهق
لازم : تعدي براعدها وبارقها

حتى لو انك من صدوف الزمن شاهق
اصّبر على زلة الاصحاب واحرقها

يقولون : مايحذف الا الشامخ الشاهق
لكنّ : حذفه تطوفك لاتلاحقها

© 2024 - موقع الشعر