اجمع يا عسكري

سلم على اللاعبين وريس النادي
واكتب بالابداع لا تكتب بطبشوره

ما للاصالة بدار الزيف مقعادي
الزين يرحل لدار الزين مع حوره

وبعلم الأفلاك عند رجال الارصادي
ما يخبر اللي فدتها ساره ونوره

أنا اشهد انك عظيمة ما لك اندادي
وانا اشهد انك بليا شك مصطوره

خلي عمير يتهرج عند عبادي
ويسولفون انهم فازو على اسطوره

وان الحمامه بيفقد صوتها الوادي
ومنين للوادي بهالوقت شحروره

نفديك يالدلة بسبعين برادي
وناخذ قنادك بدل مليون شابوره

ان كان بن تاشفين وطارق زيادي
تواصل جهادهم في كل معموره

حتى المضيق عبروه وجسر بغدادي
يوم الهزيمه مهي سهله ومقدوره

وبضغطة انتر يحرر ساحة المادي
هذا انت من عقب الاصل تكلم الصوره

يمرك جماد الآخر يتبع جمادي
ويمرك العام كله فارط شهوره

قل للاصيل اني آجي قبل ما ينادي
ووالله لو آدل بيت الله لازوره

دورت صوتي ولا شفته بهالنادي
وهالحين ابا آجوب كل الكون وآدوره

اجمع يا بن حرب عندي كل الافرادي
ما اشوف للثار غير الحرب والثوره