باي باي

ليته معي ذا الحين ويشوف دنياي
عقبه يجي ويشوف وش صار فيني ..!

راح ومعه راحت .. روحي ب لياي
اقفت وانا اصفق عليها يديني ..!

يا ما على وصله اتعبتها خطاي
وياما على قربه مشت بي سنيني ..!

لاهمني ظلمه .. ولاعاق ممشاي
هجره .. ولا رخّص غلاه الثميني ..!

ارخصت نفسي ل اجل خاطره برضاي
وذلّيت قلبي له .. وهو مايبيني ..!

باسه قوي .. جبّار قلبه ونسّاي
عنيد دمرني .. وهو مايليني ..!

عقلي .. وقلبي .. والهوى في حناياي
والشوق واحلى ايامنا والحنيني ..!

والليل .. والذكرى .. ودمعي ورجواي
ضاعت هبى منثور .. قدام عيني ..!

تكفين .. يا من لك ارسلت شكواي
من العذاب ارجوك هذا إنقذيني ..!

والله ثم والله .. يا نوف .. لولاي
ادري برب الكون .. ليّه يعيني ..!

إني ل اصيح صياح من كبر بلواي
وابكي .. وابكي .. كل نفس ٍ تجيني ..!

ثم ازعج الونات واقول باي باي
يا فرحة ٍ كانت معي .. في يميني ..!

سراب يا حبه .. وانا اشوفك الماي
وهم ٍ وانا عشتك ب قلبي سنيني ..!