ليلة زعلنــــــــــا

لفيتك .. ضاق بي قلب ٍ جفى كل الجروح وجاك
نسى كل العذاب اللي مضى .. وانكف على شانك ..!

لفيتك .. والخفوق اللي نسيته .. ماقوى ينساك
ابد ماخانك إحساسه .. ولا فكر ب نسيانك ..!

لفيتك ليلة ٍ ضاقت .. بي الدنيا هنا .. وهناك
ولا ادري وين اودي ه الهموم ب غيبة احضانك ..!

عصتني فيك نفس ٍ يا حبيبي .. ماقوت فرقاك
ولا طاعت بك العقل الفهيم ..وراي هجرانك ..!

عزاها الليل لا روّح .. يجيبك طيفك وطرياك
وقصيد ٍ من عرفتك يا غلاي اكتبه .. من شانك ..!

غضب لحظه .. وقسى لحظه .. وصرخ فيني انا اتحداك
إذا في يوم مريته .. ولا اهتزيت عنوانك ..!

وصدق قلبي .. وخسرت المعركه بدري .. ولا يخفاك
من اول جولة ٍ بالعِنْدّ .. كسبت وفزت ب رهانك ..!

ياهو جبّار قلبك يا حبيبي .. والقسى مبداك
ولا يهمك شعور المبتلي .. من بين خلانك ..!

تصدق من عقب ليلة زعلنا .. لاعدمت رضاك
حلفت إن الهوى ملعون .. ابو جده .. ..........!!

عسى الله لا يواخذنا .. بما قلنا انا وياك
ب ذاك الليل يا الغالي ويزيد ايماني وايمانك ..!

ويرحمنا ويهدينا .. ويغفر زلتي وخطاك
كريم ٍ يا عظيم الجود .. إله الكون غفرانك ..!