عـشـــرة ايام - محمد المرشدي

اللي لها ماكلمت عشره أيام
متغيره ماتتصل وش بلاها

كانت تسولف لي عن همومها العام
بنبرة حزن يبطى بسمعي صداها

تخاطب المفهوم باسلوب الافهام
ولااعرف دوافعها ولا وش وراها

وتستعرض احداث اللقى مثل الافلام
وتكد على رغم الضروف بوفاها

وكني من الدهشه بكابوس الاحلام
ثم قفلت ذاك النهار وعلاها

يعني كذا فجأه بلا سابق أعلام
حتى حبال الوصل تقطع رجاها

من غابت همومي على قلبي حيام
هداجها قلبي ومصدر رواها

حتى الحواس الخمس من بعدها صيام
وتعلن تضامنها وتعلن ولاها

للي غيابه غير عن كل الانام
ومقابله طب الجروح ودواها

دام الغلا مير الفرح معه مادام
ونظرة شقى حتى عدوي قراها

من ضيقتن بي كملت عشره ايام
من قفلت ذاك النهار وعلاها

© 2023 - موقع الشعر