ذكرتني ياعبيد (مجاراة الشاعر عبيد القلادي)

حي الجواب اللي بداله رعودي
مثل السحاب اللي مطرها تهله

من شاعر لاحب ماهو جحودي
يذكر وصايف صاحب (ن) مايمله

ذكرتني ياعبيد لا ياوجودي
وجد اليتيم اللي محد فاطنله

امه وابوه مفارقين الوجودي
ماله قرابه والوهم مستحله

على حبيبن ناويين بالصدودي
خلا خفوقي كل جمر(ن) يمله

رعبوب وصلني لحد اللحودي
عين الوحش عينه وفرقاه عله

خطاه لامنه مشى في ركودي
ولامن تبسم كل قلبن يشله

ياعبيد مالك بالغلا لو يزودي
بعض ألغلا ما فيه مذهب ومله

ماني مجامل معك ولاني حسودي
وين الذي له صاحبن صافيله

ولا عطه ما عطاك وارقى سنودي
مدامه اللي ماحصل منه زله

الحب يالمطنوخ صاد الأسودي
الله خلق خلقه على هالجبله

وان كان قلبك ودك انه يعودي
اترك طريقه وانت دربك تدله