ماتسمع الراي - منيره القحطاني

لا واحسافه كيف ضاع العشم فيك
حسبي عليك إن كان خيّبت رجواي ..!

وش لك ب جرح اللي يحبك ويغليك
يا عمره اللي راح واللي بعد جاي ..!

وشلون هان اللي بروحه مساويك
وشلون ل ايامك معه صرت نسّاي ..!

ماكنت تبغيني .. مثل ماني ابغيك
ماكنت لك دنيا .. مثل ما انت دنياي ..!

والله لأغيب إن راده الله واوريك
وتشوف وش تسوى حياتك بليّاي ..!

والله ل اعلمك القطاعه واخليك
ترجي ولو كلمة .. هلا .. من شفاياي ..!

تدري ولا هو يا حبيبي ب خافيك
العِنّدْ .. العن ميزة ٍ من مزاياي ..!

حديتني .. واعلنت ضدّي تحديك
ابشر ب روح ٍ .. ماخلفت ظن هقواي ..!

بديتها وانا اللذي قبل ناهيك
عما حصل .. لا شك .. ماتسمع الراي ..!

© 2024 - موقع الشعر