الراي ... رايه

وارجلي اللي تبين ضلعها من غير ساموح
حار القدم يا الله الخيره ولا فيها اروايه

باسباب زول نطحني بالطريق وشاحني شوح
اودعني أمشي والد اخلاف واقصر في خطايه

زول نطحني وخذ عقلي ولا لي منه مصلوح
خلاني أركض واغني من خلايه في خلايه

اللي خذا القلب أظنه مخطرن يلحق على الروح
الموجب انه مريض خاطري حد النهايه

هذا وأنا عن طريق المنتحي منهي ومنصوح
مار المقادير جابتني على حسنا او سايه

ما دام باب الهوى لاهل الهوى بيّن ومفتوح
ابين من الشمس عقب الظهر في وجه المرايه

يا من يودي سلامي والهوى راعيه مفضوح
ويخبره بالمصيبه كلها والراي رايه

ان كان لد النظر يمي عن اللي فات مسموح
وان كان قفا وخلاني فانا سبة عنايه

واعين ياللي من الفرقا بكت .. والقلب مجروح
مانيب عازي لعل الله يجبر عزايه

الصاحب اللي ليا شفته عجرت اقعد ولا اروح
ما هو طويل نشاش ولا قصير الجرم غايه

يامن سميه على اسمي الناس به زودن وبه نوح
ثلاثة أشهر ينزل نصف ثالثهن كفايه

واثنين يكمل بهن اسمه أوله حراس وشبوح
كم لي وأنا وأرجيه جعل الله ما يقطع رجايه

تمت إضافة القصيدة بواسطة:سالم ال فروان