إيه احبه .. واشتهي قربه وآبيه
ايه اشوفه كل معنى للحياه ..!
إيه اعيشه .. والحقيقه اموت فيه
درببي الضايع لقيته في حماه ..!
روح روحي .. والمشاعر ملك إيديه
والخفوق اللي تعلق في هواه ..!
قلبي .. اللي ماعرفتوا إيش فيه
اتركوه .. ولا تزيدون بعناه ..!
ياعواذل وش عليكم .. لو آتيه
الضياع .. ب حب خلي من لقاه ..؟؟
صدقوني .. ما ل خلي من شبيه
كامل ٍ .. والكامل الله في سماه ..!
قاسي ٍ بالحيل ..؟؟ يقسى وش عليه؟؟
الله اللي به بلاني .. ما بلاه ..!
اتركوه .. يبيع فيني .. واشتريه
العذاب يهون .. ب عيوني معاه ..!
اشتهي جرحه .. واعشقه .. واحتريه
الجروح اللي تجي منه .. فداه ..!
خبروه إن كان حبي .. مايبيه
والهوى اللي جاه مني ماخذاه ..!
وقلبي اللي من عرفته .. يرتجيه
والقصيد اللي كتبته .. ما كفاه ..!
لا يهمه .. كلهم فدوة عْنِيْه
تفدى رغباته .. عيون اللي نساه ..!
لايهمه .. باكر الدنيا تجيه
باللذي وده .. وهو غاية مناه ..!
وانا يكفيني فؤادي واللي فيه
يشهد الله .. مانوى يوم ٍ جفاه ..!
إيه ابيه .. ووالله اني حيل ابيه
لعنبو حظي .. وقف دايم معاه ..!
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.