يا شوق

اللي له الروح طول العمر ولهانه
لا يعتذر يبذل الواجب على شاني

ما يحتمل خافق الاشواق هجرانه
لا غاب يسري به الهاجس للاحزاني

واصارع الغبن في خفقات حرمانه
واذوق طعم الجفا من حر ما جاني

واذا ظروفه سببها عاف خلانه
قولو له الوقت يكشف سر هجراني

الحب بلوى على اللي ضاع برهانه
مثل الذي حب شخص (ن) حب له ثاني

يا شوق ضحيت بالغالي على شانه
ذكراه ردد صدى عذبات الالحاني

يا شوق وده يعودني بنسيانه
وادري به ان غاب في يوم (ن) تمناني

يا شوق رحال بالضيقه عن اوطانه
مجروح مقهور امتحسف وزعلاني

هذا نصيبي كتبه الله سبحانه
ضحكني العام مير اليوم بكاني