مجاراة لقصيدة هادي بن عسكر الهاجري( مد ام الشحم والطيب) - سعيد القير

قصيديتك ياطيب العرف بالذات
فالوادي اللي كل ساعه وله سيل

تقودني واشتاق في بدع الابيات
لاجله بسوق شعيل واتعب له شعيل

انا حياتي نصفها جرح واهات
والشعرماهو شعر لاجل المواوايل

ابدا قصيدي واشرح الوضع لوفات
واقدمه واقنده بالفناجيل

الصرح لو لا الوقت والريح صلفات
ماشفت شيخن يذبح لجيتك حيل

ياهاجري بيني وينك علاقات
والحب ماهو حب دون المواصيل

ملجا ومنجا للمطاليق لاجات
الصرح عامر والذرا في رجاجيل

العد راهي والسواليف جزلات
والضحكه اللي تضحكك عزتك حيل

دمث الجناب السمح ورجال وقفات
ماصكه الحاجب ولاتتبع القيل

قلت الهواجر والهقاوي بعيدات
لاتطفي الحساد نور القناديل

بيني وبينك عهد رب السموات
تبقى الدلال دلال جيز المعاميل

تبغا دليل!! الحاتمي شف متى مات
ذكره يشيله جيل ويحفظه جيل

© 2024 - موقع الشعر