مجاراتي للشاعر محمد بن فطيس المري

يامحمد بن فطيس نسل المناعير
ضيقة عصير اللي تجيكم تجيني
ياما رقتبي في طوال الشناضير
أدور الفرجه وقلبي حزيني
وياما رمابي كيدها واهج الكير
ماكن ربي غيرها مبتليني
الشيب راسي والبلا ضيقة عصير
وشيب حالي شبت بأول سنيني
لاخير بالضيقه ولا لي بها خير
يالله على ضيقة خفوقي تعيني
شوف الفيافي واختلاف النواوير
رقيت في راس الرجم ياعويني
حتى بعد شوف البكار المغاتير
ماردها بعصير لاتنتصيني
لاهب نسناس وتساواً مزابير
دعيت ربي من شقاها يقيني
والعبره اللي تاصل الحلق وتصير
حتى دموعي ماتفرج سجيني
يالله ياخلاق يارازق الطير
يارب من ضيقة عصير تحميني
حكم الفلك في جور الايام تدوير
ياضعف نفس العيد لاتيتليني
عجزت اقاومها ومن غير تبرير
مأطيق غير اني اقول اتركيني
أثر البلا فرقا غنوج الغنادير
ويلاه من حضاً كتب في جبيني
ويامحمد بن فطيس ضيقه ولاغير
ضيقة عصير اللي تجيكم تجيني
شف لي عواقبها بوجهي مشاهير
أن نوهك ضحكي تعلمك عيني
 
 
 
الشاعر / عبدالله ذياب الحربي