ما هوب انا اللي انسحب من أول الجولة

ما هوب أنا اللي انسحب من اول الجولة
والله لا اقاوم لآخر قطرة بدمّي

أما اني أفوز او أموت مقتولة
والله مداري ضعفي بكمّي

راسي عزيز و شموخي محد يطوله
ما ينحني راسي لخالي ولا لعمّي

من دون دمعي سيوف الرمش مسلولة
والله ما قد ذرفته حتى عند أمي

أنا التناقض بطبعي بس باصوله
مرات بلسم ومرات أسقي السمّي

روحي ما هي روح روحي كنها دولة
ما يهزها ريح او تتاثر بذمّي

ما احد يثنيني ولا يقنعني بسهولة
عن العواذل آذاني كلها صمّي

والآراء اللي توجه لي مشلولة
ترجع لأهلها قبل ما تتجه يمّي

ما احب اشكي ولا كل شي أنا اقوله
لغير ربي أبد ما اشتكي همّي

وان قلت كلمة عليها صرت مسؤلة
أوزن كلامي قبل ما ينطقه فمّي

عدم استسلامي بحد ذاته بطولة
نختني العزة وجاوبتها سمّي